Қазақ тілі мен әдебиеті пән бірлестігінің онкүндігі 5 қараша күні ашылу салтанаты аталып өтті

"Бердібек Соқпақбаев -қазақтың дара жазушысы" тақырыбында 05-15 қараша аралығында Бердібек Соқпақбаевтың 100 жылдығына орай өткізілетін қазақ тілі мен әдебиеті пән бірлестігінің онкүндігі 5 қараша күні   ашылу салтанаты аталып өтті.  Онкүндіктің мақсаты: Оқушыларға ана тілін құрметтеп, ақылды, салмақты сөз айтуға, ойын нақты, жүйелі жеткізуге, тапқыр оймен шешен сөйлеуге көңіл бөлу, адамгершілікке баулу, шығармашылық қабілеттерін қалыптастыру.    Онкүндіктің алғашқы ашылу салтанатты жиында пән мұғалімдері мен оқушылар қатысты. Мектебіміздің дарынды оқушылары «Ер Тұран» күйімен қарсы алып, 8 Е сынып оқушысы Лошкарев Левтің орындауында М.Жұмабаевтың «Мен жастарға сенемін» әнімен,  6 В сынып оқушысы Сәбитқызы Аяжан, 7 Ә сынып оқушысы  Сатылхан Айзеренің көркемсөз оқудан  басталды.   Директордың оқу әдістемелік ісі жөніндегі орынбасары Байқонысова Арай Ермекқызы сөз алып, онкүндіктің ашылу салтанатымен құттықтап, жоспарымен таныстырып, барлығын осы онкүндікте  бірдей ат салысуға  шақырды. Онкүндіктің өтуіне сәттілік тіледі. Онкүндіктің ашылуына қазақ тілі мен әдебиеті пән бірлестігі  мұғалімдері мен оқушылар белсене ат салысты.